2013 წლის 1 ივლისიდან სიღარიბის ზღვარს ქვემოთ მყოფი პირები გაორმაგებულ დახმარებას მიიღებენ.
ამის შესახებ საქართველოს ჯანდაცვის მინისტრმა დავით სერგეენკომ დღეს ჟურნალისტებთან გამართულ შეხვედრაზე განაცხადა.
მისივე თქმით, მათი სიღარიბის ზღვარს ქვემოთ მყოფი მოსახლეების რაოდენობა 411 939-ია.
გარდა ამისა, სერგეენკოს განცხადებით, 2013 წლის 1 სექტემბრიდან პენსიონერებისა და მკვეთრად გამოხატული (პირველი ჯგუფის) შეზღუდული შესაძლებლობის მქონე პირების მინიმალური პენსია/ფულადი სოციალური პაკეტი 150 ლარს გაუტოლდება.
ამასთან, მიმდინარე წლის 1 სექტემბრიდან 8 900 შეზღუდული შესაძლებლობის მქონე ბავშვის და 89 810 მნიშვნელოვნად გამოხატული შეზღუდული შესაძლებლობის მქონე პირის მინიმალური სოციალური პაკეტი 70-დან 100 ლარამდე გაიზრდება.
ასევე, მინისტრის თქმით, 2013 წლის 1 სექტემბრიდან დაგეგმილია 27 450 მარჩენალდაკარგულისა და 1 447 პოლიტრეპრესირებულის მინიმალური ფულადი სოციალური პაკეტის 55-დან 100 ლარამდე გაზრდა.
დავით ჯალაღონია
No comments:
Post a Comment