დეტალები, რომლებიც თალიბების სახელით გამოქვეყნებული ვიდეოს ფაბრიკაციაზე მიუთითებს

ვიდეო  სახელწოდებით "თალიბები  ქართველ ჯარისკაცებს ემუქრებიან", რომელიც ცოტა ხნის წინ YOUTUBE-ზე გამოქვეყნდა შესაძლოა ფაბრიკაციაა. ეჭვს ქართველი კავკასიოლოგი ალეკო კვახაძე გამოთქვამს. ექსპერტი იმ შეცდომებზე საუბრობს, რომელიც ვიდეოშია დაშვებული. 

"1)ვიდეოს ავტორს, ვინმე Hammad Zaman-ს საცხოვრებელ ადგილად მითითებული აქვს შემდეგი დასახლებული პუნქტი:Herati, Helmand, Afghanistan, სადაც ფიქსირდება 2 ფაქტობრივი შეცდომა:

ა) ქალაქ ჰერატი არ მდებარეობს ჰელმანდის პროვინციაში, არამედ არის პროვინცია ჰერატის ადმინისტრაციული ცენტრი.

ბ) ქალაქს სპარსულ და ფუშთუ ენაზე ჰქვია ჰერაათ ( هرات) და არა Herati, როგორც ეს ავტორს აქვს მითითებული. სავარაუდოდ, ავტორის მშობლიურ ენაში არის სახელობითი ბრუნვის -ი ნიშანი, რომელიც თანხმოვანზე დაბოლოებულ ქალაქებს ემატება. ევრაზიის მაკრო კონტინენტზე ასეთი ენა ორია: ქართული და მეგრელი.

2.  ვიდეოზე ინგლისურად მოსაუბრე პირი არ საუბრობს არც ავღანელებისთვის და არც პაკისტანელებისთვის დამახასიათებელი აქცენტით. ავტორი საუბრობს ბრიტანული ინგლისურით, თუმცა ეტყობა, რომ Nატივე სპეაკერ-ი არ გახლავთ.

3. ქვის ხანაში მყოფი თალიბანის მოძრაობა დამოუკიდებლად ვერ შესძლებდა ქართველი ჯარისკაცების პირადი ფოტოების მოპოვებას კომპიუტერის მეშვეობით.

4. ვიდეოზე ასახული ოსამა ბენ-ლადენის ლიკვიდაციის ვიდეოკადრები, რაც მიუთითებს იმაზე, რომ ვიდეორგოლის შემქნელი არ არის კარგად ჩახედული თალიბანის საბრძოლო ოპერაციებში, წინააღმდეგ შემთხვევაში თალიბანითვის სამარცხვინო კადრებს იგი არ დადებდა. ამ ყველაფერს დაუმატეთ პოლიტიკური კონიუქტურა, ნატოში ინტეგრაცია, რუსეთის გააქტიურება და თავად გამოიტანეთ დასკვნები"- აცხადებს კავკასიოლოგი ალეკო კვახაძე. 

როგორც ექსპერტმა "თაიმერთა" საუბარში აღნიშნა, ეს არ არის პირველი შემთხვევა, როდესაც თალიბების სახელით მსგავსი მუქარა გაჟღერებულა შემდეგ კი ვიდეო ფაბრიკაცია აღმოჩნენილა. მსგავსი ფაქტი ცოტა ხნის წინ ესპანეთშიც დაფიქსირდა. 

timer.ge