სააკაშვილმა უნდა გააცნობიეროს, რომ, თუ მისი კავშირებით უფრო გაამწვავებს დასავლეთის გავლენიანი პოლიტიკური წრეების ურთიერთობას ბიძინა ივანიშვილის ხელისუფლებასთან, მით უფრო მძიმე გახდება მისი ხვედრი!.. ამის შესახებ "თაიმერს" პოლიტოლოგმა და ანალიტიკოსმა ჯუმბერ კირვალიძემ განუცხადა.
"წინააღმდეგ შემთხვევაში, ნულის ტოლია იმის შანსი, რომ უსტატუსო, არაპრეზიდენტ სააკაშვილს, საქართველოში მშვიდად და ლაღად ცხოვრების გარანტია ჰქონდეს და რომ იცხოვროს, როგორც "თავისუფალმა" მოქალაქემ!.. მეტიც, ამის არ გათვალისწინების შემთხვევაში, უცხოეთში წასვლით და იქ დაფუძნებითაც კი, მას ვერავინ მისცემს იმის გარანტიას, რომ "ერთ მშვენიერ დღეს" საქართველოს მთავრობის დასაბუთებული მოთხოვნის საფუძველზე, მისი სამშობლოში ექსტრადიცია არ განხორციელდეს. ამიტომ, იგი დღევანდელი უმძიმესი მდგომარეობიდან რომ "გამოძვრეს", ვფიქრობ, სააკაშვილი თავის უსაფრთხო მომავალ ცხოვრებაზე "იზრუნებს" და არ წავა კონფრონტაციაზე!.. მაგრამ, თუ მე ვცდები და იგი ოქტომბრის საპრეზიდენტო არჩევნებამდე დარჩენილ 4 თვეში, ახალ ხელისუფლებას რაიმე არაორდინალურ "სიურპრიზს" მოუწყობს (მაგალითად, ვადამდელი გადადგომა თანამდებობიდან), მაშინ არ არის გამორიცხული, რომ სააკაშვილმა იმ პრეზიდენტების ბედი გაიზიაროს, რომლებმაც კრიზისში ჩავარდნილებმა ოფიციალურად მიმართეს დასავლეთს". - აცხადებს ჯუმბერ კირვალიძე. მისივე თქმით, სააკაშვილს, პოლიტიკური თავშესაფრის გარანტირებულად მიღების თხოვნით, აშშ-სთვის ან ჰოლანდიის სამეფოსთვის (პირველი ლედის სამშობლო) მიმართვა მოუწევს.
TIMER.GE
No comments:
Post a Comment