„ხადური ფულს ტუალეტის ფაფუკ ქაღალდზე უფრო ხარჯავს, ვიდრე უსახლკარო ადამიანებზე”

„ლეიბორისტული პარტიის ერთ-ერთი ლიდერი, გიორგი გუგავა ხელისუფლებისგან მოითხოვს ახსნას, რატომ უნდა შეეძინა სახელმწიფო ხარჯით ასეთი ძვირადღირებული ნივთები? გიორგი გუგავას განცხადებით მთავრობას სოციალური პრობლემა არ მოუგვარებია, სამუშაო ადგილები მცირდება და ძალიან ბევრი დარღვევები უფიქსირდება.

„ნოდარ ხადურმა ერთი წლის მუშობის შედეგები შეაჯამა. ის გახლავთ მინისტრი, რომელსაც ბიუჯეტში მილიარდიანი გარღვევა აქვს, მაგრამ თავის უწყებაში პრემიების გამოწერაში სხვებს გადააჭარბა. ორ თვეში 25 ათასი პირადად გამოიწერა. 30 ათასი ლარის ტუალეტის ფაფუკი, სურნელოვანი ქაღალდი იყიდა ბიუჯეტის ფულით ფინანსთა სამინისტრისთვის. შევარცხვინე ისეთი მინისტრი, რომელიც ერთი ადგილის ჰიგიენური მომსახურებისთვის იმაზე მეტს დახარჯავს, ვიდრე ზამთრის პირობებში ქვეყანაში „ბრეზენტში“ თავშეფარებული უსახლკარო ადამიანებისთვის იხარჯება. ამ ადამიანებმა 50 მილიონის ახალი, ძვირადღირებული ავტომანქანებიც უკვე იყიდეს, მიუხედავად იმისა, რომ „ნაციონალებს“ ავტოპარკი განახლებული ჰქონდათ და ეს საკითხი, თავის დროზე, საზოგადოების განსჯის საგანიც იყო. დაქცეულ და გაჭირვებულ ქვეყანაში 300 000 ლარის ტელეფონები აქვთ ნაყიდი ახალი ხელისუფლების მაღალჩინოსნებისთვის. არც ერთი მათგანის ტელეფონი 2 ათას ლარზე ნაკლები არ ღირს“,- განაცხადა გიორგი გუგავამ გაზეთ „ქრონიკა+“ საუბრისას.

pirveliradio.ge